Philips LivingWhites Leuchten-Adapter Starter-Set - Manual (Page 108)

108
2. Креирање сопствен амбиент со светлина со можност за придушување
Можете да креирате ваш сопствен амбиент преку:
1. Користење на тркалцето за придушување. Можете да го движите прстот по тркалцето за
прилагодување на нивото на светлината (само за светилки со можност за придушување).
2. Избирање и прилагодување на одделните светилки. Можете да ги контролирате двете лампи
истовремено или секоја одделно. За да контролирате само една лампа, треба да ја изберете.
Ова можете да го направите со помош на едно од копчињата за избор на светилка. Кога ќе
притиснете и задржите едно од копчињата за избор на светилка, избраната лампа ќе започне да
трепка. Ако тоа не е лампата која сакате да ја прилагодите, отпуштете го копчето и повторно
притиснете го – друга лампа ќе започне да трепка. Кога лампата ќе биде избрана, индикаторот
за избор на светилка на далечинскиото управувач (сијаличка) ќе засвети. Тоа значи дека сега
можете да ја прилагодувате само избраната лампа (на пример, ќе можете да ја придушите, или да
ја вклучите и исклучите). Кога не е избрана лампа (индикаторот за избор на светилка е исклучен),
сите ваши прилагодувања ќе важат за сите светилки поврзани на далечинскиот управувач (на
пример, можете да ги придушите сите светилки во собата).
3. Креирање на светлосни сцени. Ако ви се допадне одредено поставување на светлината (на
пример, една лампа да биде исклучена, а другата малку придушена), можете да ја зачувате оваа
сцена за лесно повикување: притиснете и задржете на едно од копчињата за сцена, сè додека
далечинскиот управувач не емитува звучен сигнал. Вашата сцена сега е зачувана под копчето за
сцена кое сте го притиснале.
Можете да продолжите со прилагодување на светилките по ваша желба. Кога ќе сакате да се
вратите на некоја зачувана сцена, само притиснете го копчето за сцена кое сте го притиснале
при зачувувањето. Тоа копче за сцена накратко ќе засвети за да покаже дека сцената е избрана, и
лампите ќе ги добијат зачуваните параметри.
Можете да зачувате до 3 сцени (по една за секое копче за сцена).
Исклучете ги лампите со кратко притиснување на копчето “0” (исклучено). Двете лампи полека ќе
го придушуваат нивото на светлина и целосно ќе се исклучат по 12 секунди. Ова ви обезбедува
доволно време да ја напуштите собата. Ако повторно притиснете “0”, лампите веднаш ќе се
вклучат. Можете повторно да ги вклучите сите лампи со притиснување на “I” (вклучено).
3. Поврзување на дополнителни светилки со далечинскиот управувач од Philips LivingWhites
Кон далечинскиот управувач од Philips LivingWhites можете да поврзете други Philips LivingAmbiance /
LivingWhites производи заради креирање на сцени со богата осветленост. На еден далечински управувач
може да се поврзат до 50 производи.
Исто така можете да поврзете повеќе Philips LivingWhites производи (други светилки за вметнување,
светилки кои штедат енергија и расветни тела) со вашиот далечински управувач. За да додадете Philips
LivingWhites производ, приближете го управувачот до него; потоа притиснете и задржете на копчето
“I”. Лампата ќе засвети 3 пати. Задржете го копчето “I” додека не чуете звучен сигнал од далечинскиот
управувач; лампата брзо ќе засвети двапати. Таа сега ќе биде поврзана со далечинскиот управувач и ќе ја
добие последната поставеност кога била вклучена.
Ако сакате да ја прекинете врската помеѓу LivingWhites производ и далечински управувач, приближете
го управувачот до производот, потоа притиснете и задржете на копчето “0”. Лампата ќе засвети 3 пати.
Задржете го копчето “0” додека не чуете звучен сигнал од далечинскиот управувач. Лампата полека ќе се
изгасне.